Wednesday, April 28, 2010

അനസ്തേഷ്യ ആന്‍ഡ് സബ്രീന (18+)


പ്രായപൂത്രി ആയവര്‍ മാത്രം വായിക്കുക...

അനസ്തേഷ്യ എന്ന് കേള്‍ക്കുമ്പോ നിങ്ങള്‍ക്കൊക്കെ ഓപ്പറേഷന്‍ തീയേറ്ററും മുഖം മൂടിയ നേഴ്സ് മാരെയും കത്രിക പിടിച്ചു നിക്കുന്ന ഡോക്ടറെയും ആണ് ഓര്‍മ വരുന്നതെങ്കില്‍ എനിക്ക് അത് വെളുത്ത സ്കാര്‍ഫ് ഇട്ടു ഒരു കോഴിമുട്ടയുടെ ഷേപ്പില്‍ സുന്ദരമായ മുഖം മാത്രം പുറത്തു കാണിച്ചു എപ്പോഴും ചിരിച്ചു കൊണ്ട് നടക്കുന്ന ഒരു റഷ്യന്‍ പെണ്‍കുട്ടി ആണ് . എന്റെ സഹപ്രവര്‍ത്തക.അനസ്തേഷ്യ എന്നാല്‍ മരണത്തില്‍ നിന്നു തിരിച്ചു വന്നവള്‍ എന്നാണ് അര്‍ഥം.
ആള്‍ വലിയ ജാഡ ആണ് .( അത് കാണിക്കാനും മാത്രം ഉണ്ടെന്നു കൂട്ടിക്കോ ). ഇവിടത്തെ ഏതോ ഒരു അറബി പയ്യനുമായി വിവാഹ നിശ്ചയം കഴിഞ്ഞിരിക്കുകയാണ്.. അതിനാല്‍ ഇപ്പൊ മതം മാറി മുസ്ലിം ആയി. ലാദനങ്കിളിനോട് ഒരു നേരിയ ചായ്‌വ് ഉണ്ടോ എന്നും എനിക്ക് ഒരു സംശയമുണ്ട്‌. കാരണം ഇടയ്ക്കിടെ യൂട്യൂബില്‍ അമേരിക്കയ്ക്കും ബുഷിനും ഒബാമയ്ക്കും ഒക്കെ എതിരെ ഉള്ള വീഡിയോസ് കാണിച്ചു എന്നെയും മതം മാറ്റി മുസ്ലിം ആക്കാന്‍ ശ്രമിക്കാറുണ്ട് :( ഹും നടന്നത് തന്നെ. എടി കൊച്ചെ.. നിങ്ങള്‍ പെണ്ണുങ്ങള്‍ക്ക്‌ മതം മാറി മുസ്ലിം ആകാന്‍ എളുപ്പമാ.. ഒരു കഷണം മുണ്ട് എടുത്തു തലേല്‍ ചുറ്റിയാല്‍ മതി. അത് പോലല്ല ഞങ്ങള്‍ ആണുങ്ങളുടെ കാര്യം. പലതും നഷ്ടപ്പെടുത്തേണ്ടി വരും :(
ആള്‍ക്ക് ഇന്ത്യന്‍ ഭക്ഷണത്തോട് പുച്ഛം ആണ് . ഐ ഡോണ്ട് ലൈക്ക് സ്പൈസി കേരള ഫുഡ് എന്ന് ഇടയ്ക്കിടെ പറയും . മൂന്നു നേരവും ഉരുളക്കിഴങ്ങ് പുഴുങ്ങി തുന്നുന്ന ഇവള്‍ക്ക് എന്തറിയാം നമ്മടെ ഭക്ഷണത്തെ കുറിച്ച് .ലഞ്ച് എന്താണ് എപ്പോള്‍ ചോദിച്ചാലും പറയും പൊട്ടാറ്റോ എന്ന്. ഇന്ന് ചിക്കന്‍ ആണെങ്കില്‍ നാളെ മീന്‍ ആയിരിക്കും അതിന്‍റെ കൂടെ .എന്തുവാ ആ ഡിഷിന്റെ പേര് എന്ന് ചോദിച്ചാല്‍ പറയും.. പൊട്ടറ്റോ!!! എടി നീ പുട്ട് എന്ന് കേട്ടിട്ടുണ്ടോ ? ഇടിയപ്പം കണ്ടിട്ടുണ്ടോ ? ദോശ എന്ന് പറഞ്ഞാല്‍ എന്താന്നു നിനക്കറിയോ ? ഇങ്ങനത്തെ നീയാണോ മലയാളികളുടെ ഭക്ഷണത്തെ പുച്ഛിക്കുന്നത്? ബ്ലാടി ഫൂള്‍ !

പറഞ്ഞ് വന്നത് സബ്രീനയെ കുറിച്ചാണ് . അനസ്തേഷ്യയുടെ കൂട്ടുകാരി. ഹോ. നിങ്ങള് കേള്‍ക്കണം! കേട്ടാല്‍ പോരാ.. കാണണം! അങ്ങനത്തെ ഒരു മൊതലാ. :( അനസ്തേഷ്യ ഹോക്കി ടീമിലെ ഗോള്‍കീപ്പര്‍ പോലെ ഡ്രസ് ചെയ്തിട്ടാണെങ്കില്‍ ഇവള്‍ ബീച്ച് വോളിയിലെ ക്യാപ്ടനെ പോലെ ആണ് ഡ്രസ്സിംഗ് :( ഇങ്ങനേം ഉണ്ടോ ഒരു വിശാലമനസ്കത! വര്‍ണിക്കാന്‍ തുടങ്ങിയാല്‍ ഞാന്‍ തറ ആകും..ഞാന്‍ എന്നല്ല ഏതു തറയും കൂതറ ആയിപ്പോകും . ആളെ ഞാന്‍ രണ്ടോ മൂന്നോ തവണയേ കണ്ടിട്ടുള്ളൂ.. ( പോരെ ? :() ഓഫീസില്‍ വന്നിട്ട് ഫാഷന്‍ ടിവി ഓര്‍മിപ്പിക്കുന്ന തരം നടത്തവും ചിരിയും ആണ്..ആഞ്ജനേയനെ വിളിച്ചു കണ്ണുമടച്ച് പ്രാര്‍ഥിച്ചാണ് ഈയുള്ളവന്‍ ആ സമയം നേരം പോക്കുന്നത്. അല്ലെങ്കില്‍ ഭയങ്കരമായി പണിയില്‍ കോണ്‍സണ്ട്രേറ്റ് ചെയ്യും. നിങ്ങള്‍ക്കൊന്നും അത് പറഞ്ഞാല്‍ മനസിലാകൂല്ല.. അനുഭവിച്ചു തന്നെ അറിയണം ആ നേരത്തെ ടെന്‍ഷന്‍ . ബ്രഹ്മന്റെ ഒരു സ്പെഷ്യല്‍ പ്രോഡക്റ്റ് ആണ് അവള്‍ :(
ഒപ്റ്റിക്കല്‍ മൗസ് പോലെ കൈകാര്യം ചെയ്യാന്‍ എളുപ്പം ഉള്ള ഒതുങ്ങിയ ഫ്രണ്ട്ഓഫിസ്. അതായത് റിസപ്ഷന്‍. (ആദ്യം നമ്മള്‍ അളവ് എടുക്കുന്നത് അതിന്‍റെ ആണല്ലോ). നോക്കിയ മൊബൈല്‍ പോലെ ഒതുങ്ങിയ ബോഡി ഷേപ്പ്.. പോപ്പികുട തുറന്ന് കമിഴ്ത്തി വെച്ചത് പോലത്തെ ബാക്ക് ഓഫീസ്. ( വേണേല്‍ ഒരു പെട്ടിക്കട തുടങ്ങാന്‍ ഉള്ള സൗകര്യം ഉണ്ട്‌ ) നാഗ്പൂര്‍ ഓറഞ്ചല്ലികള്‍ വിലങ്ങനെ വെച്ചത് പോലെ ചുണ്ടിണകള്‍ (ജ്യൂസ് അടിച്ചു കുടിക്കാന്‍ തോന്നും )
ഇന്നിപ്പോ എന്തിനാണാവോ അനസ്തേഷ്യ ഇല്ലാത്ത നേരം നോക്കി ഇവളെ കെട്ടി എടുക്കുന്നത് . അതും എന്നെ വിളിച്ചു ഞാന്‍ ഇവിടെ ഉണ്ടോ എന്ന് ഉറപ്പാക്കിയ ശേഷം ! ഞാന്‍ നോക്കുമ്പോള്‍ എല്ലാം അവള്‍ എന്നെയും നോക്കാറുണ്ടായിരുന്നു.. ഇനിയിപ്പോ "മോണിറ്ററിന്റെ മുന്നിലിരുന്നു എന്നെ നോക്കി വെള്ളമിറക്കിയിരുന്ന പൊടിമീശക്കാരനെ ഞാനും ശ്രദ്ധിച്ചിരുന്നു " എന്ന് പറയാന്‍ ആയിരിക്കുമോ ? ഹേയ്! ദൈവമേ അങ്ങനെ എങ്ങാന്‍ കേട്ടാല്‍ ബി പി കൂടി ഞാന്‍ പൊട്ടിത്തെറിച്ചു ചത്ത്‌ പോകും :(
ഇന്ന് ഭാഗ്യത്തിന് ഫ്രോക്ക്‌ കഷ്ടിച്ച് മുട്ടിന്റെ മുകളില്‍ വരെ എത്തുന്നുണ്ട്. അത്രേം ടെന്‍ഷന്‍ കുറഞ്ഞു . പക്ഷെ അത് കോമ്പന്‍സേറ്റ് ചെയ്യാന്‍ വേണ്ടി നെഞ്ചത്ത്‌ പതിവിലും ഒരിഞ്ചു താഴോട്ട് വേണെങ്കില്‍ കണ്ടോടാ എന്ന മട്ടില്‍ ഫ്രീ ഷോ ഉണ്ട്‌ :( ചതിച്ചല്ലോ ദൈവമേ !!! ഈ സിറ്റ്വേഷന്‍ എങ്ങനെ മറികടക്കും ? എന്റെ നെഞ്ചില്‍ ശിവമണി ഡ്രം വായിക്കാന്‍ തുടങ്ങി .
ഹായ് !!! അതിമനോഹരമായി ചിരിച്ചു കൊണ്ട് അവള്‍ ദൂരെ നിന്നേ വിഷ് ചെയ്തു.
ഹായ് !! ഞാന്‍ തിരിച്ചും. ശബ്ദം വന്നിരുന്നോ അതോ കാറ്റ് മാത്രമോ എന്ന് ഓര്‍മ ഇല്ല .
അവള്‍ അടുത്തേക്ക് നടന്നു വരാന്‍ തുടങ്ങി . ഞാന്‍ ചെയറില്‍ നിന്നു പതുക്കെ എണീറ്റുവോ ? ഹേയ്.. പക്ഷെ ശിവമണി ടെമ്പോ കൂട്ടിയത് എനിക്ക് ഫീല്‍ ചെയ്തു.
"നിന്റെ കൂട്ടുകാരി ഇവിടെ ഇല്ല പോയിട്ട് പിന്നെ വാ.." അത് പറയുമ്പോ എത്ര നിയന്ത്രിച്ചിട്ടും എന്റെ നോട്ടം അവളുടെ ചുണ്ടില്‍ നിന്നു വഴുതി മാറത്തേക്ക് വീണത്‌ അവള്‍ കണ്ടു :( എന്നെ അവള്‍ക്കു കുറ്റം പറയാന്‍ കഴിയില്ല കാരണം അവള്‍ ഈ നോട്ടം എത്ര കണ്ട്‌ കാണും ?
എന്റെ നോട്ടം ആസ്വദിച്ചു കൊണ്ട് അവള്‍ പറഞ്ഞു i know she is not here!!! can you do me a favour ?
ഹോ ഇത് അത് തന്നെ ! കൊച്ചെ എന്നില്‍ നിന്നും അതൊന്നും പ്രതീക്ഷിക്കണ്ട .ഞാന്‍ ആ ടൈപ്പ് അല്ല .
ദൈവമേ അവള്‍ പിന്നേം അടുത്തോട്ടു നീങ്ങി വരുകയാണല്ലോ.ഏതോ പെര്‍ഫ്യൂമിന്റെ ലഹരി പിടിപ്പിക്കുന്ന മണം! ഞാന്‍ ഒരടി പിന്നോട്ട് മാറി. എന്റെ കാഴ്ച മങ്ങിത്തുടങ്ങിയിരുന്നു.
ഒരു zip വലിച്ചു തുറക്കുന്ന ശബ്ദം .വയറ്റില്‍ ഒരു ആളല്‍! ഹോ ഭാഗ്യം അവളുടെ തോളില്‍ തൂക്കിയ ബാഗിന്റെയാ ...ഞാന്‍ തെറ്റിദ്ധരിച്ചു :(
ആ അവസ്ഥയിലും ഇടയ്ക്ക് എന്റെ കണ്ണുകള്‍ ഒപ്റ്റിക്കല്‍ മൌസിന്റെ റൈറ്റ് ബട്ടണ്‍ തിരയുന്നുണ്ടായിരുന്നു.. ഞാനാരാ മോന്‍ !
അവള്‍ ബാഗില്‍ കയ്യിട്ടു എന്തോ എടുക്കുന്നു. പിങ്ക് നിറത്തില്‍ എന്തോ ഒരു മിന്നല്‍ പോലെ കണ്ടു. ഈശ്വരാ .. ഹിന്ദുസ്ഥാന്‍ ലാറ്റെക്സിന്റെ ആ പ്രോഡക്റ്റ്നും പിങ്ക് നിറം ആണെന്ന് കേട്ടിട്ടുണ്ട് . ഇനി അത് തന്നെ ആണോ ? ഇവള്‍ എന്തിനുള്ള പുറപ്പാടാ ?
സൂക്ഷിച്ചു നോക്കിയപ്പോള്‍ അത് ഒരു താക്കോല്‍ ആണ്.
ഓ അപ്പൊ അതാണ്‌ കാര്യം. അവക്കടെ വീടിന്റെ താക്കോല്‍ കൂട്ടുകാരിയെ ഏല്‍പ്പിക്കാന്‍ എന്റെ സഹായം വേണം ! ത്ഫൂ.. എന്റെ പട്ടി സഹായിക്കും.
വാട്ട് ?
യ്യോ ഒന്നൂല്ല ഇങ്ങനെ കുലുക്കാതെ :( ഞാന്‍ കൊടുത്തേക്കാം..
ബദലായി ഒരു മോഹിപ്പിക്കുന്ന ചിരിയും സമ്മാനിച്ച് കൊണ്ട് അവള്‍ പോയി..അവള്‍ പോയശേഷം ഒരു കൌതുകത്തിന് ഞാന്‍ ആ കീ ചെയിനിന്റെ പടം മൊബൈലില്‍ എടുത്തു. ദാ കാണ്..

കണ്ടാ..കീചെയിനില്‍ വരെ പ്രലോഭനം. ഇനി നിങ്ങള് പറ ഞാനീ പറഞ്ഞതില്‍ വല്ല തെറ്റും ഉണ്ടോ ? :(

(അംഗലാവണ്യവര്‍ണനയ്ക്ക് കുമാരേട്ടനോട് കടപ്പാട്.)

Wednesday, July 15, 2009

കാലം പോയ പോക്കേ...

ഈശ്വരാ.. ഞാന്‍ അറിഞ്ഞില്ല.എന്റെ ബ്ലോഗിന്റെ ഒന്നാം പിറന്നാള്‍ കഴിഞ്ഞോ ? ഞാന്‍ ഓര്‍ത്തില്ല. :( ഇപ്പൊ നോക്കിയപ്പോഴല്ലേ കണ്ടത് ..ജൂലൈ പതിമൂന്നു ആയിരുന്നു ആദ്യ പോസ്റ്റ്‌.ഓ പറേന്ന കേട്ടാല്‍ തോന്നും ഇവിടെ പോസ്റ്റുകളുടെ വിളയാട്ടം ആണെന്ന് .എന്തായാലും എന്റെ കള്ളുഷാപ്പില്‍ കേറി അന്തിക്കള്ള് മോന്തിയ എല്ലാ മാന്യ കുടിയന്മാര്‍ക്കും നന്ദി അറിയിച്ചു കൊള്ളട്ടെ. കൂടാതെ എല്ലാവര്ക്കും പിറന്നാള്‍ ആശംസകള്‍.ഇനീം വല്ലപ്പോഴും വന്നു നോക്കണം ട്ടാ..

Saturday, January 31, 2009

ആകെ പ്രശ്നമാണ് മോനേ...

ആകെ പ്രശ്നമാണ് മോനേ...
ചിക്കന്‍ പോക്സ് വന്നാല്‍ ആകെ പ്രശ്നമാണെന്നു നമ്മള്‍ ഇപ്പളല്ലേ അറിയുന്നതു...പറയാനും കേള്‍ക്കാനും ഒക്കെ നല്ല സുഖമുള്ള പേരാണു. നാട്ടില്‍ പോയി തിരിച്ച് ദുഫായ്ക്ക് ലാന്‍ഡ് ചെയ്തിട്ട് രണ്ട് ദിവസമേ ആയിട്ടുള്ളൂ.
ഒരു ചെറിയ പനി.അതായിരുന്നു തുടക്കം.ദേഹത്ത് കാണാന്‍ ഭംഗി ഉള്ള ഒരു ചെറിയ കുമിള വന്നപ്പോള്‍ സഹമുറിയന്‍ പറഞ്ഞു അത് പനീടെ കൂടേ വന്നതാരിക്കുംന്ന് ...കാര്യമാക്കിയില്ല. ഒന്ന് രണ്ടായി. രണ്ട് മൂന്നായി.. ഒരു രാത്രി ഇരുട്ടി
വെളുത്തപ്പോളേക്കും:( :( രാവിലെ കണ്ണാടി നോക്കിയപ്പോള്‍.... ഞാനതെങ്ങനെ പറയും ? എന്റെ ശരീരത്തോട് ഉപമിക്കാന്‍ പറ്റിയ ഒരു ചീത്ത സാധനത്തിന്റെയും പേരു ഓര്‍മ്മ വരുന്നില്ല.ആര്‍ക്ക് കണ്ടാലും ഒരു ഉമ്മ തരാന്‍ തോന്നുന്ന എന്റെ മുഖം കണ്ടപ്പോള്‍ ...പഴയ ബ്ലാക്ക് ആന്ദ് വൈറ്റ് സിനിമകളിലെ വില്ലന്മാര്‍ക്ക് മാത്രമേ ഞാന്‍ ഇതിനു മുന്‍പ് ഇത്രയും വൃത്തികെട്ട മുഖം കണ്ടിട്ടുള്ളൂ...പോട്ടെ അല്ലെങ്കിലും ഈ ഗ്ലാമര്‍ കൊണ്ട് നമുക്ക് പണ്ടേ ഒരു ഉപകാരവും ഉണ്ടായിട്ടില്ലല്ലോ...എന്നാലും ഈ മുഖം വെച്ച് ഇനി എങ്ങനെ വെണ്ണ പോലുള്ള ഫിലിപ്പിനോ പെണ്‍പിള്ളേരുടെ മുഖത്ത് നോക്കും.. :(
അതു പോട്ടെ. വേദന. :( അതല്ലേ സഹിക്കാന്‍ കഴിയാത്തത്. ശരീരം മുഴുവന്‍ കുരു പൊങ്ങി നില്‍ക്കാനും കിടക്കാനും ഇരിക്കാനും വയ്യാത്ത അവസ്ഥ! തൊണ്ടയ്ക്കകത്ത് കുരു വന്നതിനാല്‍ ഒരു സാധനം കഴിക്കാന്‍ വയ്യ.പറയാന്‍ പറ്റാത്തയിടത്ത് കുരു വന്നാല്‍ ഉള്ള സുഖം ഞാന്‍ നിങ്ങള്‍ക്ക് പറഞ്ഞു തരേണ്ട കര്യം ഇല്ലല്ലോ.. :തലയില്‍ നിറയെ കുരു വന്നതിനാല്‍ നോണ്‍ സ്റ്റോപ്പ് തലവേദന. മുടി ഉള്ളതിനാല്‍ ഭാഗ്യം അത്രേം ഭാഗം മറഞ്ഞു കിട്ടും. ദേഹത്ത് മുഴുവന്‍ മുടി ഉണ്ടായിരുന്നെങ്കില്‍ എന്തു നന്നായേനെ...
ഈ പുകച്ചില്‍ അത്...ശത്രുക്കള്‍ക്ക് പോലും വരുത്തല്ലേ എന്നു പ്രാര്‍ഥിക്കാന്‍ മാത്രം ഞാന്‍ അത്ര വിശാലമനസ്കനല്ലാത്തതു കൊണ്ട് എന്റെ എല്ലാ ശത്രുക്കള്‍ക്കും ഈ സുഖം നല്‍കണേ എന്നാണ്‍ ഇപ്പോ എന്റെ പ്രാര്‍ഥന.അല്ലേലും നമുക്ക് വരാനുള്ളത് എവിടെയും തട്ടാതെയും മുട്ടാതെയും കൃത്യമായി തന്നെ വരാറുണ്ടല്ലോ...
ഇതിനെ ദൈവാനുഗ്രഹം എന്നാണു ചിലരുടെ ഒക്കെ വിശ്വാസം എന്നും കേട്ടു. ദൈവം ഇങ്ങനെയൊക്കെ അനുഗ്രഹിക്കാന്‍ തുടങ്ങിയാല്‍ എന്താ ചെയ്യുക !!
ചൊവ്വാഴ്ച വൈകിട്ടാണ്‍ ഡോക്റ്ററേ കാണാന്‍ പോയത്. ന്യൂ മെഡിക്കല്‍ സെന്റര്‍. മലയാളി ഡോക്റ്റര്‍മാരെ (നഴ്സുമാരേം)കാണാം എന്നതാണു ഇവിടേ പോയാല്‍ ഉള്ള ഗുണം. ഡോക്റ്റര്‍ ഒരു നല്ല മനുഷ്യന്‍. നല്ല സംസാരം.അങ്ങേരേ കണ്ടപ്പോള്‍ തന്നെ പകുതി കുരു പോയി എന്നു തോന്നി. അങ്ങേര്‍ എന്റെ ദേഹത്തെ കുരുക്കളെ ഇപ്പോ പിറന്നു വീണ ശിശുക്കളെ നോക്കുന്ന വാത്സല്യത്തോടെ നോക്കി എന്നിട്ടു പറഞ്ഞു .യെസ്. കണ്‍ഫേംഡ്. ചിക്കന്‍ പോക്സ്.
പ്രതീക്ഷിച്ചിരുന്നതിനാല്‍ നമള്‍ക്ക് വലിയ ഞെട്ടല്‍ ഒന്നും ഉണ്ടായില്ല. പിന്നേ മൂപ്പര്‍ കുറേ ഉപദേശങ്ങള്‍ തന്നു. സംസാരം ഒരു മാതിരി മനസ്സിലാകാത്ത ഇംഗ്ഗ്ലീഷിലാണ് . എല്ലാം മനസ്സിലായ പൊലെ ഞാന്‍ ചുമ്മാ തല ആട്ടി ഇരുന്നു. സഹമുറിയന്‍ ഉള്ളതു തന്നെ ആകെ ഉള്ള ധൈര്യം പതിയെ അവനോട് കാര്യങ്ങള്‍ ചോദിച്ചു മനസ്സിലാക്കാം.
സഹമുറിയന്‍ സംഗതി മനസ്സിലായതോടെ നാട്ടിലേക്കുള്ള റ്റിക്കെറ്റ് ചാര്‍ജൊക്കെ അന്വേഷിച്ചു വെച്ചിരുന്നു.കിട്ടിയ ചാന്‍സ് എന്തിനാ കളയുന്നെ എന്ന് കരുതിക്കാണും
ഡോക്റ്റര്‍ എഴുതാന്‍ പോകുന്ന മരുന്നിനെ പറ്റി വിശദമായി തന്നെ പറഞ്ഞു തന്നു.നാലു ദിവസം കഴിച്ചാല്‍ മതിയെന്നും പിന്നെ പ്രശ്നം ഒന്നും ഉണ്ടാകില്ലെന്നും രണ്ട് ആഴ്ച പരിപൂര്‍ണ വിശ്രമം വേണമെന്നും. ചുമ്മാ മരുന്നിന്റെ വിലയെ
പറ്റി ചൊദിച്ചു. ഒരു മുന്നൂറോ നാനൂറൊ ദിര്‍ഹം മാത്രെ ഉണ്ടാകൂ..എന്നു അങ്ങേര്‍ നിസ്സാരമായി പറഞ്ഞെങ്കിലും ഒരു വെള്ളിടി എന്റെ ഉള്ളില്‍ അപ്പോഴെക്കും വെട്ടിയിരുന്നു. പോരാന്‍ നേരത്ത് സഹമുറിയന്‍ ഡോക്റ്ററോട് ചോദിച്ചു.
യു ആര്‍ ഫ്രം ?
പാക്കിസ്ഥാന്‍ എന്നു പറഞ്ഞുകൊണ്ട് ഡോക്റ്റര്‍ ചിരിച്ചു.എന്തിനോ ഞങ്ങള്‍ രണ്ടു പേരും അപ്പോള്‍ ചിരിച്ചു.
മരുന്നു മേടിക്കാന്‍ ഫാര്‍മസിയില്‍ ചെന്നു. മലയാളികളാനു അവിടെ മുഴുവന്‍. മരുന്നു എടുത്തു തന്ന ശേഷം ബില്ലടിക്കുന്നതിനു മുന്‍പ് ഫാര്‍മസിസ്റ്റ് ഇതു തന്നെ വേണോ അതോ വില കുറഞ്ഞത് എടുക്കട്ടേ എന്നു ചൊദിച്ചപ്പോള്‍
അതിന്റെ വില തിരക്കി. ആയിരത്തി മുന്നൂറ്റി നാല്പത് ദിര്‍ഹം . സുഖമായി എയര്‍ ഇന്ത്യയില്‍ നാട്ടില്‍ പോയി സര്‍ക്കാരാശുപത്രീല്‍ കാണിച്ച് അസുഖം മാറ്റിയാലും പണം ബാക്കി പോക്കറ്റില്‍ കിടക്കും. നെരത്തെ വെട്ടിയ
വെള്ളിടി ഒന്നും അല്ലന്ന് എനിക്ക് മനസ്സിലായി.. സഹമുറിയന്റെ മുഖത്തേക്ക് നോക്കി. ഡോക്റ്റര്‍ പാക്കിസ്ഥാന്‍ എന്നു പറഞ്ഞ്
ചിരിച്ചതിന്റെ അര്‍ഥം അപ്പോഴാണു ഞങ്ങള്‍ക്ക് മനസ്സിലായത്.
മുറിയിലെ ഏകാന്തതയ്ക്ക് ഒരു പരിഹാരം കാണാന്‍ തല പുകഞ്ഞ് ആലോചിച്ചു. എത്ര നേരമാ ഉറങ്ങുക, എത്ര നേരമാ ടി വി കാണുക. അങ്ങനെയാണു ബ്ലോഗില്‍ എന്തെങ്കിലും ഇടാം എന്നു കരുതിയത്. കുറേ കാലമായി
ഒന്നിനും സമയം ഇല്ലാതെ ഇരിക്കുകയായിരുന്നല്ലോ.. ഇനി ഇപ്പോ ഇഷ്ടം പോലെ സമയം. കുറേ പഴങ്ങള്‍ ഒക്കെ മേടിച്ചു വെച്ചിട്ടുണ്ട്. പണിയൊന്നും ചെയ്യാതെ മുറിക്കുള്ളില്‍ ഉണ്ടുറങ്ങിയുള്ള ജീവിതം. എന്റെ സ്വപ്നമായിരുന്നു.
ഇത്ര വേഗം സഫലമാകുമെന്ന് കരുതിയില്ല.

Tuesday, August 26, 2008

എന്നാലും എന്റെ ചക്കരേ ...

എന്റെ എല്ലാമെല്ലാമായ ചക്കരക്ക് ...
നീ എന്റെ ജീവിതത്തില്‍ കടന്നു വന്നിട്ട് എത്ര നാളായി ? കഷ്ടിച്ച് ഏതാനും മാസങ്ങള്‍ മാത്രം . എനിക്ക് നീ ആരെന്നത് ഇപ്പോഴും എന്റെ മനസ്സിനെ അലട്ടുന്ന ചോദ്യം.
എന്റെ എല്ലാം എല്ലാം ആണെന്ന് പറയുന്നതാകും ശരി .ഒന്ന് മാത്രം അറിയാം.
നീ ഇല്ലെങ്കില്‍ എനിക്കൊരു ജീവിതം ഇല്ല .എന്നും ടെന്‍ഷന്‍ മാത്രം ആണ് നീ തന്നതെങ്കിലും എന്നെ ദ്രോഹിക്കുകയും വിഷമിപ്പിക്കുകയും ചെയ്യുക എന്നത് ശീലമാക്കിയ നിന്നെ പക്ഷെ എനിക്ക് വെറുക്കാന്‍ കഴിയാതതെന്ത് കൊണ്ട് ?
നാട്ടിലായിരുന്നപ്പോള്‍ ഇതിനു മുന്‍‌പ് രണ്ടു പേര്‍ ഇ സ്ഥാനത്ത് ഉണ്ടായിരുന്നു.
ഓരോരുത്തര്‍ക്കും ഗ്ലാമര്‍ പോര എന്ന് തോന്നിയത് കൊണ്ടാണല്ലോ പുതിയവളെ തേടി ഞാന്‍ വന്നത് . എന്നാലും നീ വിദേശത്ത് ആണെങ്കിലും ഗ്ലാമര്‍ ഉണ്ടെങ്കിലും സ്വഭാവം മറ്റേതു തന്നെ.

നീ എന്നെ ഇങ്ങോട്ട് തേടി വന്നതാണോ ? ഹേ അല്ല. ഞാന്‍ അങ്ങോട്ട്‌ തേടി വരുകയയിരുന്നല്ലോ. ആദ്യം കണ്ട മാത്രയില്‍ തന്നെ ഇഷ്ടപ്പെട്ടു. ഇവള്‍ എനിക്കുള്ളത് തന്നെ . ഞാന്‍ മനസ്സില്‍ ഉറപ്പിച്ചു. കിട്ടാന്‍ വേണ്ടി മനസ്സുരുകി പ്രാര്‍ത്ഥിച്ചു . എന്റെ പ്രാര്‍ത്ഥന ദൈവം കേട്ടത് കൊണ്ടോ അതോ *നിന്നെ എനിക്ക് കൈ പിടിച്ചു തന്ന ആ നല്ല മനുഷ്യന്റെ* കഷ്ടകാലതിനാണോ എന്നറിയില്ല നീ എന്റെതും ഞാന്‍ നിന്റെത് മാത്രവും ആയി .
-- എന്റേത് മാത്രം എന്റേത് മാത്രം എന്ന് മനസ്സില്‍ ഉരുവിട്ട് കൊണ്ട് നിന്നോട്‌ ഞാന്‍ കാണിച്ച അത്മാര്‍‌ത്ഥത ...
അതില്‍ തരിമ്പിനു പോലും വില കൊടുക്കാതെ നീ എന്നോട് കാണിച്ച വഞ്ചന...
നിന്നോട്‌ അടുത്തപ്പോള്‍ ആണ് അറിഞ്ഞത്..എന്നെ പോലെ ഹതഭാഗ്യരായ നിരവധി പേര്‍ നിന്റെ വലയില്‍ കുടുങ്ങിയിട്ടുണ്ടെന്നു. ആദ്യമൊക്കെ വിഷമം തോന്നി.
പിന്നെ പതുക്കെ പൊരുത്തപെട്ടു..അങ്ങനെ അല്ലെ വിവേകമുള്ളവര്‍ ചെയ്യൂ..നീ ഓര്‍ക്കുന്നില്ലേ ? ഇന്റര്‍നെറ്റ് വഴിയായിരുന്നു തുടക്കം. അന്നൊരു സായം സന്ധ്യയില്‍..ഞാന്‍ ഇന്റര്‍‌നെറ്റിന്റെ ആഴക്കയങ്ങളിലേക്ക് മുങ്ങാം കുഴി ഇടുന്ന സമയം. ദൂരെ കണ്ടു.. ഒരു മിന്നല്‍ പോലെ. നിന്നെ . ..ഓടി അടുത്ത് വന്നത് ഓര്‍ക്കുന്നുവോ?.
എന്നെയും പ്രതീക്ഷിച്ചെന്ന പോലെ നീ നില്‍ക്കുന്നു.
ഒന്നും ആലോചിച്ചില്ല. ആവശ്യം നമ്മുടെതല്ലേ ?
കേറി മുട്ടി. അപ്പോഴാണ്‌ അറിയുന്നത് നീ എന്റെ വരവും കാത്തിരിക്കുകയായിരുന്നു. എന്ന്. മുജ്ജന്മബന്ധം എന്നൊക്കെ പറയുന്നത് ഇതിനാണോ എന്ന് ഞാന്‍ ആദ്യം സംശയിച്ചത് അന്നായിരുന്നു. പിന്നീടങ്ങോട്ട് ഫോണ്‍ വിളിയും ഈ മെയില്‍ സന്ദേശവും .
എന്നെ സ്വന്തമാക്കാന്‍ നിനക്ക് എന്ത് ആവേശമായിരുന്നു. എനിക്ക് നിന്നെയും...
ആവശ്യം എനിക്കും നിനക്കും ഒരു പോലായിരുന്നല്ലോ. നമ്മള്‍ ഒന്നായ ദിവസം.
അത് ഞാന്‍ നമ്മള്‍ ഒരു ആഘോഷമാക്കുകയായിരുന്നു. ഓര്‍ക്കുന്നുവോ ?
കൂട്ടുകാരെയും വീട്ടുകാരെയും എല്ലാം വിളിച്ചറിയിച്ചു . അന്നത്തെ ദിവസം മറക്കാനാവാത്ത ഒരു ഉല്‍സവമാക്കി.

നമ്മുടെ മധുവിധു കാലഘട്ടം .അതായിരുന്നു കൂടുതല്‍ സുന്ദരം. പരസ്പരം അടുത്തറിഞ്ഞ്‌. കൂടുതല്‍ നിബന്ധനകള്‍ ഒന്നും ഇല്ലാതെ, എനിക്കെന്ത് രസമായിരുന്നു. നിനക്കും അങ്ങനെ തന്നെ ആയിരിക്കും എന്നാ ഞാന്‍ കരുതിയത്. പക്ഷെ ...എന്നേക്കാള്‍ പ്രായം കൂടുതല്‍ ഉണ്ട് നിനക്കെന്നു ഞാന്‍ അറിഞ്ഞത് നമുക്കിടയില്‍ ലേശം വിള്ളല്‍ ഉണ്ടാക്കിയോ ?
ഹേ എനിക്കങ്ങനെ തോന്നിയിട്ടില്ല. ബഹുമാനം കൂടിയിട്ടെ ഉള്ളൂ..നിന്നെ കിട്ടിയതിനു ശേഷം ഇന്നുവരെ ഞാന്‍ രാവിലെ എണീറ്റാലും കിടക്കുന്നതിനു മുന്‍പും ഒന്ന് മാത്രമേ പ്രാര്‍‌ത്ഥിച്ചിട്ടുള്ളൂ.. എന്റെതായ കാരണത്താല്‍ നിന്നെ എനിക്ക് നഷ്ടപ്പെടരുതെ എന്ന് മാത്രം. എന്നും എന്റെ ടെന്‍ഷന്‍ നിന്നെ കുറിച്ച് മാത്രം ആയിരുന്നു. ഇന്നലത്തെ എന്റെ നിന്നോടുള്ള പെരുമാറ്റം ശരിയായോ.. നാളെ എങ്ങനെ പെരുമാറണം ?
എന്നൊക്കെ ഓര്‍ത്തു ഉറക്കം കിട്ടാറില്ലായിരുന്നു.
അല്ല എനിക്ക് വേറെ ചിന്തിക്കാനായി സ്വന്തം എന്ന് പറയാന്‍ മറ്റൊന്നും ഇല്ലായിരുന്നല്ലോ..ആദ്യം മുതലേ എനിക്കറിയാമായിരുന്നു. ഇതൊരു ശാശ്വതമായ ബന്ധം അല്ല എന്ന്.

ആദ്യം സംസാരിച്ചപ്പോഴേ നമ്മള്‍ തമ്മില്‍ പിരിയില്ല എന്നായിരുന്നല്ലോ കണ്ടീഷന്‍.
പക്ഷെ രണ്ടു പേരുടേയും മനസ്സില്‍ മറ്റൊന്നയിരുന്നില്ലേ? ഇവനെക്കാള്‍ കേമനെ കിട്ടിയാല്‍ ഇവനെ തട്ടാം എന്ന് നീയും ഇവളേക്കാള്‍സുന്ദരി വന്നാല്‍ ഇവളെ വിടാം എന്ന് ഞാനും മനസ്സില്‍ ഉറപ്പിച്ചിരുന്നു. അല്ലെലും ഈ ലോകത്തില്‍ ഒരു ബന്ധവും ശാശ്വതം അല്ലല്ലോ...
എല്ലാവര്‍‌ക്കും അവരവരുടെ ഉയര്‍ച്ചയാണ്‌ വലുത്.
അതിനിടയില്‍ ഈ വേണ്ടാത്ത സെന്റിമെന്‍സ് ഒക്കെ എന്തിനാ അല്ലെ ?
നമ്മള്‍ പിരിയാന്‍ ഇന്ന് പെട്ടെന്ന് തീരുമാനിച്ചതോന്നും അല്ലാലോ..
എന്നാലും ഒരു വിഷമം. പതിയെ പുത്തന്‍ കൂട്ടുകള്‍ കിട്ടുമ്പോള്‍ മാറുമായിരിക്കും അല്ലെ ?
നീയും വിഷമിക്കണ്ട.
എന്നും എന്റെ മനസ്സില്‍ ഉണ്ടാകും നീ....നിന്നെ കിട്ടിയതിനു ശേഷം എനിക്ക് ജീവിതത്തില്‍ ആകെ കിട്ടിയ സന്തോഷം എന്തായിരുന്നു ? പകലന്തിയോളം നിനക്ക് വേണ്ടി കഷ്ടപ്പെട്ട് ടെന്‍ഷന്‍ അനുഭവിച്ചു....
അവസാനം എല്ലാ മാസവും ഒന്നാം തീയതി അറേബ്യന്‍ ദിര്‍ഹത്തിന്റെ രൂപത്തില്‍
എന്റെ ബാങ്ക് അക്കൌണ്ടില്‍ നീ വന്നിരിക്കുമ്പോള്‍ മാത്രം അല്ലെ എന്റെ കഷ്ടപ്പാടിനു ഒരു അര്‍ഥം ഉണ്ടാകുന്നത് ? അല്ലെന്നു നീ പറയുമായിരിക്കും. എന്നാലും ആ ഒരു ഒന്നാം തീയതിക്ക് വേണ്ടി ആണെടീ...ഞാനടക്കമുള്ള നിന്റെ എല്ലാ കാമുകന്‍മാരും മാസം മുഴുവന്‍ നിന്റെ ആട്ടും തുപ്പും സഹിച്ച് നിന്റെ വിഴുപ്പലക്കുന്നത്.

ഇതെങ്ങനെ നിര്‍ത്തണം എന്നറിയില്ല.എഴുതുമ്പോള്‍ ഞാന്‍ അറിയാതെ വികാരാധീനനായി പോയി നീ ക്ഷമിക്കണം . എന്നെങ്കിലും നമുക്ക് വീണ്ടും കാണാം. അപ്പോള്‍ ഒരു പരിചയഭാവമെങ്കിലും കാണിക്കണേ ...
എന്നാലും എന്റെ ചക്കരേ ...
എന്ന് നിന്റെ സ്വന്തം വിനീതവിധേയന്‍
(ഒപ്പ്)


*നിന്നെ എനിക്ക് കൈ പിടിച്ചു തന്ന ആ നല്ല മനുഷ്യന്റെ* = എന്റെ ഇപ്പോഴത്തെ തൊഴിലുടമ

Sunday, July 13, 2008

ഇത്തിരി ഒഴിക്കട്ടെ ?

ബൂലോഗത്തില്‍ കാല്‍ വെക്കണം എന്ന് കുറെ കാലമായി വിചാരിക്കുന്നു. നല്ല കാര്യങ്ങള്‍ വൈകിച്ചു കൂടന്നല്ലേ ? ഇപ്പൊ തന്നെ കുറെ വൈകി. :(
ഇവിടെ നിങ്ങള്‍ വിശ്വോത്തര സാഹിത്യവും കവിതകളും ഒന്നും പ്രതീക്ഷിക്കണ്ട. എന്നും വൈകുന്നേരമാകുമ്പോള്‍ എനിക്ക് ഇത്തിരി കള്ളടിക്കണമെന്നു തോന്നും. ആ നേരത്ത് എന്റെ മനസ്സില്‍ തോന്നുന്ന കാടന്‍ ചിന്തകള്‍ ...അതാണ്‌ ഞാന്‍ ഈ അന്തിക്കള്ളിന്റെ കൂട്ടോടെ നിങ്ങളോട് പങ്കുവെക്കാന്‍ ആഗ്രഹിക്കുന്നത്. എന്നെ സ്നേഹിക്കുന്നവര്‍ക്കായി ഞാന്‍ ഈ കള്ളു കുടം സമര്‍പ്പിക്കുന്നു. അനുഗ്രഹിക്കൂ..ആശിര്‍വദിക്കൂ..